Cheers Mate!!

hnoð

Fri, 30 Oct 2009 15:03:53 GMT

Jæja þá hefst heiðarlegt hjartahnoð á þessari síðu.

Ég hef ekkert að skrifa.

En það er allt í lagi. Það getur verið fínt að lesa allt og ekkert stundum.

Hmm... ég sit semsé hér í Borgartúninu og pikka á lyklaborðið. Úti er rigning. Bílarnir þeysast fram hjá glugganum mínum (sem er btw nýbúið að þrífa, æðislegt).. myndast stundum soldill skítur á gluggunum hérna... umferðarmengun og sjórinn nálægt okkur og svona. Þarna er einhver gaur að vesenast að loka skottinu á bílnum sínum fyrir utan Umferðarstofu hérna beint á móti mér. Ekkert að ganga hjá honum.. hann hangir alveg í skottinu.. greyið.. frekar neyðarlegt. Allt er frekar grámyglulegt í dag. Ég hlakka til sumarsins. Eða jólanna maður! Örfáir dagar í þau :)
Strætó er hérna fyrir utan NÚNA - 3 dúddar stíga út úr honum og strunsa meðfram götunni, allir í sömu átt, en allir í sitthvoru lagi. Maður gengur framhjá skottgaurnum sem enn hangir í skottinu og snýr sig næstum úr hálslið við að glápa á greyið.. ekkert verið að bjóða fram aðstoð sína. Fólk....
Naunaunaunaunaunau hvað er að gerast.. maður, BER AÐ NEÐAN hleypur hér um allt fyrir utan hjá mér.. Vó þetta er fáránleg sjón!! Hann er í dúnúlpu en á sprellanum! Er að stoppa alla umferð hérna ... sjeise.. Allir komnir út í glugga að fylgjast með herlegheitunum... Það er eitthvað fólk úti að reyna að stöðva manninn. Hann stendur úti á götu og veifar höndum og hleypur í hringi... Guð minn.. Bílar flautandi.. Samstarfsmaður minn er að hringja í lögregluna í þessum töluðu orðum.
Skottgaurinn lætur skottið eiga sig núna. Kominn út á götu að reyna að stöðva sprelligosann.
Æj þetta er örugglega eitthvað veikt eintak...
Er farin út að horfa á þennan stórfurðulega atburð! Ná kannski video af þessu á símann ;) Múhahaha..
Yfir og út.

Hver ætli verði sú fyrsta sem les þetta og HVENÆR!

Tue, 29 Sep 2009 13:35:11 GMT

Nú eru rétt rúmir 4 mánuðir liðnir frá síðustu færslu, stelpur þetta gengur barasta ekki!

Hvað hefur gerst síðan þá? Jú eitt stykki sumar leið hjá, eins og hendi væri veifað. Nú, yndislegt barn hefur bæst í hópinn, gullmolinn hún Saga litla :). Einu stykki BA gráðu hefur verið halað inn og einni mastersgráðu líka (er mig að misminna? Habba þú kláraðir fyrr.. ikke?). Fólk hefur flutt frá landi voru og svo margt fleira..

Eigum við ekki að reyna að blása lífi í síðuna?

Sú fyrsta sem kommentar á þessa færslu fær ógeðslega gott knús þegar ég kem til landsins, ætli það verði ekki innan þriggja vikna... Nú verður spennandi að sjá hver sú heppna(-a +i) verður OG hvenær það mun eiga sér stað.

XXX Sunnið

Stúlkubörn

Mon, 25 May 2009 15:17:44 GMT

Jæja það er sumar og júní er bráðum að líta dagsins ljós.
Eigum við ekki að reyna að hafa hitting fljótlega og plana okkur eitthvað skemmtilegt að gera í tilefni sumarblíðunnar??!! útilegu eða sumó eða bara einhvern fjendenn?
svo var hugmynd um að halda náttfatapartý og "stelast út" á náttfötunum ;) gera kannski eins og eitt dyraat og fara í feluleik í ókunnum görðum, bannað að vera edrú það kvöldið! ;) Sóley mín þú mátt það samt.. getur verið reiða mamman sem brjálast af því að allir stálust út... bara pæling ;) endum svo kvöldið á einhverri hræðilegri hryllingsmynd 8| og panta pizzu!! ú og kannski singstar eða guitar hero!! Svefnpokaleikur í anda ónefndra einstaklinga hér um árið! hehe.. Heil nótt af gleði!
hversu gaman væri þetta!? smá back to the fortíð ! :D verðum í bílskúrnum þínum Hugrún hehe ;)

En annars back to the nútími: hittingur á næstunni, lítill fugl hvíslaði því að mér að hann yrði mögulega haldinn hátíðlegur í heimahögum Hrafnhildar einnar Hjaltadóttur.

Lifi síðan!!! Ég gef þessu 4 og hálfan dag - sendi ykkur þetta annars á fésið.

Tónleikar

Mon, 04 May 2009 21:19:07 GMT

Loksins er ég komin með tíma á tónleikana mína en það er búið að vera smá vesen á mér. Þeir verða FÖSTUDAGINN 15. MAÍ KLUKKAN 21:00 Í LANGHOLTSKIRKJU. Allir að taka kvöldið frá!

Oddur heldur tónleika daginn áður, 14. maí klukkan 20:00 í Kirkjuhvoli, safnaðarheimili Vídalínskirkju í Garðabæ.

Kveðja
Fjóla

Koma svo

Mon, 30 Mar 2009 18:50:41 GMT

Mér varð hugsað til Sunnu áðan og fór að hugsa um hvort henni þætti ekki leiðinlegt að hafa EKKERT skemmtilegt að lesa á meðan hún er í prófum. Ég hef því ákveðið að koma af stað bloggbylgju á þessari síðu svo hún geti lesið eitthvað annað en leiðindi um heilafrumum og eitthvað of flókið fyrir mig til að fara útlista hér. Ekkk það að við séum svona svakaleg skemmtilegar, eða jú samt, en það er bara gaman að lesa af sínu fólki þegar maður er að klepra í prófum.

Ég fór í próf í morgun, aldrei þessu vant þá vissi ég of mikið og hafði of mikið að segja. Ég fór næst síðust út, sá sem var síðastur er grænlendingur og því eðlilega lengur en við hin að leysa próf á íslensku. Allavega þá hætti ég þegar ég bara gat ekki skrifað meira vegna þreytu og óþolinmæði. Nú langar mig bara að SOFA því ég var að læra til hálf fjögur í nótt.

Ég er að fara til Lundúna á miðvikudaginn. Gaman að segja frá því að ég, Hugrún og Guðný Brá og co. erum allar að fara upp á flugvöll á sama tíma. Ég ælta að fá minn ferðalagabjór klukkan 6:30 upp á fluvelli og njóta hans. Það er eitthvað alveg voðalega spennandi að drekka bjór á svona fáránlegum tíma sólarhringsins.

Annars eru brjálaðir tímar framundan. Ég þarf að skila verkefni 6. apríl sem þýðir að ég þarf að gera það meðan ég er úti. Svo syng ég eins og þrolli í messum og öðru um páskana. Ég á að skila lokaritgerðinni minni 14 apríl en sé það því miður ekki gerast. Ég fer síðan í burtfararprófið mitt sem mér finnst ég eiga endalaust mikið eftir að læra fyrir og loks held ég burtfararpfóstónleikana mína laugardaginn 16. maí klukkan 20:00.
Allir að taka þennan dag frá!!!

Yfir og út
Fjóla

Eitrað fyrir Árna Johnsen

Fri, 20 Feb 2009 11:08:10 GMT

Sælar

Ég held að það sé kominn tími á að ég hendi hérna inn nokkrum orðum. Ekki það að ég hafi eitthvað að segja, er í skólanum að bíða eftir að röðin komi að mér að syngja og mér LEIÐIST. Af mér er fátt að frétta. Ég kláraði lopapeysuna sem ég byrjaði á í nóvember í gær. Hún passaði á Odd, eða svona næstum því, þarf að teygja hana á ýmsa kanta en þetta verður fínt. Svo er ég búin að setja niður grind að lokaritgerðinni minni og búin að fá grænt ljós á að byrja að skrifa. Verst að ég nenni! ekki þessari ritgerð. En þetta er nú bara þriggja eininga ritgerð, ræfils 21 blaðsíða. Ég skrifaði 15 blaðsína ritgerð í fyrra á sólarhring svo þetta ætti bara að taka tvo daga... Engin bjartsýni í gangi, nei nei.

Annars er ég byrjuð að læra dans með nokkrum stelpum úr söngskólanum. Við erum að læra dansa úr tónlistarmyndböndum, sjúklega fyndið því engin okkar kann að dansa. Mjög gaman.

Merkilegasta frétt dagsinns er klárlega að það hafi verið eitrað fyrir Árna Johnsen. Sett eitur út í fæðubótaefnið hans, hann bólgnaði um hendurnar, fór í hreinsun með Jónínu Ben í Póllandi og læknaðist. Er ekki hægt að finna eitthvað merkilegra að skrifa á mbl en eitthvað svona bull?

En allavega, ég hlakka til að sjá ykkur klukkan tólf í iðuhúsinu og borða saman sushi, mmmm.

BLOGG

Tue, 20 Jan 2009 09:04:30 GMT

Stelpur, hvar tafðist

bloggbylgjan sem ég

kom af stað?

Kommon - það er svo gaman að lesa.

Sunni

..og svo BYYYLGJAAAA!!

Tue, 13 Jan 2009 11:04:39 GMT

Þar sem ég er aftur komin til London og einstaklega bloggþyrst, þá ákvað ég að smella inn nýrri færslu og vonast til að koma af stað bloggbylgju í vinahópnum ;).

Hér sit ég og hlusta á Rás2. Ég ELSKA Rás2. Það er eiginlega eina útvarpsstöðin sem ég hlusta á, bæði hérlendis sem heima..

Það var yndislegt að hitta ykkur allar um jólin og kjafta um allt og ekkert. Mér fannst ógó gaman og fancy að fara á Domo. Frábærar gjafirnar, við erum greinilega svona agalega smekklegar allar saman, hehehehe..

Jæja, ég er að fara að flytja minn fyrsta fyrirlestur á ensku.. svakalega spennandi allt saman!

Ástarkveðjur á ykkur allar - endilega gerið eitthvað tryllt í dag og njótið þess að vera til. Maður verður að gera það - annars deyr maður úr leiðindum og stressi hversdagsins.

Sunna

Gleðileg jól allir saman!!

Thu, 25 Dec 2008 21:15:36 GMT

Jæja þar sem færslan hér fyrir neðan er orðin vel úrelt þá þótti mér nauðsynlegt að skella inn lítilli kveðju í tilefni jólanna :)
Vonandi höfðuð þið það gott um jólin og fenguð jólahjól í pakkanum ykkar :D
Hlakka til að sjá skvísurnar mínar í jóladinnernum okkar!!
Partýnefndin má endilega fara að skella inn full details :)
RISA JÓLA KNÚS!!
Arnarsmárafrúin :)

Leysið nú gátuna stúlkur.

Tue, 09 Dec 2008 23:04:53 GMT

Ég segi stelpuferð í bíó. Til að við megum allar njóta þessarar gleði.

Og þessarar. Hvort sem er. Hvernig sem er bara.

Þar með fór lítið fyrir öllu karlkyns crewinu úr Gossip Girl samanlögðu. Samt eru þeir ekkert slakir.

Ahhhhh, fagglegt.

Tue, 09 Dec 2008 11:26:34 GMT

Ég var rosalega glöð þegar ég uppgötvaði að þessi maður er bara einu ári yngri en ég. Sem ég sat í myrkvuðum bíósal með móður mína mér við hlið, og gat ekki hætt að hugsa um dásemdir hans, fílaði ég mig sem svolítinn perra þegar ég hélt að hann væri fæddur 1990.

Ahhhhhhhhhhhh. Fyndna er að mér finnst leikarinn sem slíkur ekki nándar nærri jafn dásamlegur og persónan sem hann leikur. Til að gleðja ykkur á þriðjudegi í snjó og skýjahulu læt ég fylgja með aðra og álitlegri mynd en síðast.

Óáttun

Wed, 03 Dec 2008 18:12:37 GMT

Ég er óáttuð og haldin valkvíða. Eiginlega alltaf.

Ég hlakka mikið til að fara í jólafrí. Sem verður eiginlega á morgun. Þá byrja ég samt að vinna. Í heila viku... hahahahha. Samt finnst mér ég vera svakalega dugleg.

Eruð þið ekki búnar að sakna mín og minnar yndislegu færslna? Ég er nefnilega í prófum. Eftir morgundaginn á ég bara eftir að taka 7 próf áður en ég klára læknisfræði. Held ég. Það er minna en mikið. Sem er betra en leiðinlegt.

Hefur einhver séð þættina Mad Men? Datt aðeins í þá í prófunum. Og þeir eru svo karlrembulega ógeðslegir að það er dásamlegt. Konurnar alla ófullnægðar húsmæður sem þurfa að fara sofa með nýlagað hár, ala upp börn, þvo hús og tuskast með drasl eiginmann. Þetta er alveg heillandi. Seiðmagnað jafnvel.

Jæja, ég vona að ykkar andlega heilsa sé jafn góð og mín eftir að hafa lært geðlæknisfræði í 3 mánuði. Meðfylgjandi mynd á að lýsa kæti minni og andlegu jafnvægi.

spurningalisti

Tue, 02 Dec 2008 14:22:58 GMT

Datt inná síðu sem innihélt þennan kynþokkafulla lista, man þegar við gerðum eitthvað svona einhverntímann.. það var gaman.

Er duglegust að blogga? hmm.. Sólveig og ég undanfarið.. annars svona í gegnum tíðina þá mundi ég segja Hugrún... svo auðvitað Sunna og Fjóla með sér bloggsíður :)

Mesti flippistinn? Hrafnhildur Hjaltadóttir

Á erfiðast með að vakna? Bara veit ekki...

Er mest þorin? Tja það er spurning.. Habba

Er best við börn? Þið eruð það nú allar með tölu.

Er sterkust? Hmm Sóley zorrow eða kannski Habba meistari ;)

Er mesta íþróttamanneskjan? Fjóla og Habba

Er mesti Playerinn? Bara.. bara.. bara... æj veit ekki.

Er feimnust? feimnust.. hmm ætli ég segi ekki bara hún Guðný Brá þó hún sé nú alls ekkert sjúklega feimin neitt..

Er heilbrigðust? Allar mjög heilbrigðar. Ætli Ásrún sé ekki duglegust þessa dagana :)

Er gáfuðust? Umm uuuummm uuuuuuumm svara þessu ekki. Mér finnst þið allar gáfaðar *kall með væmið perrabros* (gerður bara fyrir Höbbu)

Er hamingjusömust? Sóley :)

Er elst? æj ég nenni ekki að hugsa

Hver er yngst? Ætlaði að segja Ella en mundi svo að hún Sólveig litla doktress er the dancing queen, only seventeen ooohhh!

Hver er mesta ljóskan? Ásrún.. Fjóla.. Hugrún.. og no comment - leyfi okkur að deila þessu eftir stafrófsröð..

Hver á flestu fötin? Hugrún, Ásrún og Habba held ég.

Hver á flesta skóna? Miðað við leynilegar upplýsingar úr innkaupayfirliti Höbbu frá Burgos þá tel ég það líklegt að hún eigi þetta sæti.

Hver á flestu töskurnar? Hugrún örugglega. Humm eða Fjóla ?

Hver er minnst? Voðalega svipaðar stærðir á okkur... geri mér allavega ekki grein fyrir því svona án mála.

Hver eru skemmtilegustu foreldrarnir? Hmm ætli ég þekki ekki best þau Siggu og Snæbjörn og hana Maríu og þykir mér þau hið mesta prýðisfólk. Annars finnst mér bara allir foreldrarnir voða skemmtó. :)

Hver er duglegust að læra? Sólveig.. Hugrún.. æjj bara allar :)

Hver er þrjóskust? Sóley og Sunna deila þessum titli. Ákvörðunin er aðallega byggð á ævafornum en dagljósum minningum mínum úr barnaskóla sem bar eitt sinn heitið Þinghólsskóli.

Hver er líklegust til að eignast barn fyrst? Sóley! vÓ er ég skyggn?! En annars held ég að Sóley sé alveg líka líkleg til að verða næst og verða fyrsta tveggja barna móðirin:)

Hver er með stærstu brjóstin? Humm og hó.. stelpur við tékkum á þessu í næsta þemapartýi hehe.. eða ekki þema..

Hver er með stærsta bossann? Þetta finnst mér nú vera heldur dónaleg spurning.

Hver er fyndnust? Fjóla á allavega klárlega fyndnustu bloggin. Annars finnst mér þið allar fyndnar þegar þið takið ykkur til.

Hver talar mest? veitekki

Hver er með flottustu tásurnar? Ellu tásur eru hel kynþokkafullar.

Hver er með flottasta hárið? Habba, Hugrún, Sunna

Hver hefur verið í lengsta sambandinu? hmm.. Ásrún ? Sunna ?

Hver hefur farið oftast til útlanda? Erfitt að segja erfitt að segja...

hver er mesta tölvunördið? Hugrún

Hver er mesta krúttið? Sólveig og Guðný Brá mússímússís

Hver er mesta átvaglið? babaramm veit ekki

Hver á stærsta rúmið? Örugglega Ásrún (og nottla Davíð)

Hver fer oftast í ljós? veit ekki.. fæ ekkert sérstaklega updates þegar fólk fer í ljós..

Hver málar sig best? Sunna sæta

Hver syngur best? Klárlega Fjóla söngfugl!

HVer á heima út í rassgati? Uuuu Guðný Brá og Sunna..

Hver á flestu systkinin? Fjóla í fljótu bragði

Hver á flestu dýrin? Ásrún ?? á einhver önnur dýr?

Hver er vingjarnlegust? Allar mjög vingjarnlegar barasta. Kannski Ásrún.

Hver er ákveðnust? Sunna.. Ella.. Sóley

Hver er væmnust? Væmnust... veit ekki.

Hver er með beinustu tennurnar? Veit ekki.. Habba? Fjóla?

Hver er með stærstu fæturnar? hef ekki upplýsingar um það í mínum þekkingarheimi

Hver er með minnstu hendurnar? Man ekki.. allar bara helv nettar.

Koma nú og vera með! Þetta er ágætis dægradvöl :)

A reminder from the Brit.. and a general HI!

Sat, 29 Nov 2008 13:42:40 GMT

Hi my lovely fellow Westcoastchicks,
I wanted to lead your attention to the "klukk" on my site. There I have "klukked" one of the WC. It applies to all of you.. so who ever is first blogging, gets a prize. A BIG kiss from me when I come home to the land of fire and ice.
Ahhh, I am getting a bit homesick. I can´t wait to get cold in the dark, drink malt&appelsin, eat "hangikjot" and "smakokur" and listen to all the classics, like "I´cant WAIT" by miss Björgvinsdottir and "Christmas bike" by the Sniglabandid I REALLY CAN´T wait to see my grandparents and them lot!!

Hope all is well and you have a pleasant exam period.

Lots of love,
Shoonna the Brit (whoa - THE Brit, Britney Spears is performing tonight on X-factor, YES..)
P.S. If you are wondering how I spell my name now a days - well that´s how my name is pronounced by the damn Brits :).

Fjóla Kristín Nikulásdóttir 24 þann 24... aldeilis!

Mon, 24 Nov 2008 15:59:47 GMT

Til hamingju með afmælið elsku

Fjóla okkar!

Njóttu dagsins í botn og mundu að

þú ert fegursta Fjólan

í blómagarðinum.

Þú ert Fjóla
sem fer stundum út að hjóla
reyktir eitt sinn njóla
og bíður eftir Jóla!

Haha þetta tók 30sek, geri aðrir betur ;) ;)
Ég efni hér með til ljóðaafmælissamkeppni í tilefni dagsins.
Engar eru reglurnar en ljóðið þarf að fjalla um þessa bráðmyndarlegu stúlku sem þið sjáið hér að ofan.

TIL HAMINGJU ENN OG AFTUR FJÓLA OG AFTUR OG ENN! :d

P.s. Ég held að ég sé að slá persónulegt met í bloggfærslum! Þarf að fara að halda mér á mottunni.